රැජිණට යවනව කේක් එක
ලස්සන පාටට තියෙන්නට
සායම් දානව බේසමට
මීපැණි බෝතලයක් දාලා
වයින් ටිකක් කලවම් කරලා
පොඩි කජුමද ටිකකුත් ඉහලා
ගම්මිරිසුත් යහමින් දාලා
පාසානම් ටිකකුත් දාලා
සීනි කිලෝ දහයක් දාලා
නයි බිත්තර දෙකකුත් දාලා
හදනව පදමට හැඳිගාලා
රැජිණට යවනව කේක් එක
ලස්සන පාටට තියෙන්නට
සායම් දානව බේසමට
ලුණු ටිකකුත් දානව නේද
මිනී ඔලුවකුයි කටුස්සෙකුයි
පොළඟගේ දළකුයි නාගයෙකුයි
රත වෙන්නට රටඉඳි ටිකකුයි
නෑ නෑ නාරං බික් තුනකුයි
රටකජු ටිකකුත් පොතු ගාලා
පොතුටික දානව මද කාලා
හොඳහැටි පදමට හැඳිගාලා
සුවඳ එන්න දානව වැනිලා
හැදුවෙ කේක් එක අපි දෙන්නයි
අහුවෙන්නේ අර පප්පලවයි
මාලිගාවේ වැඩ මග නවතියි
මකබාස්ව දැන් කිඹුල්ලු කයි
